DİABETON MR 60 mq (tabletlər)
DİABETON ® MR 60 mq təsiredici maddəsi modifikasiya olunmuş şəkildə xaric olan tabletlər.

Dərman vasitəsinin istifadəsi üzrə təlimat (xəstələr üçün)

 

Tərkibi:
Təsiredici maddə: 1 ədəd DİABETON MR 60 mq-lıq, təsiredici maddəsi modifikasiya olunmuş şəkildə xaric olan tabletin tərkibində 60 mq qliklazid vardır.
Köməkçi maddələr: laktoza-monohidrat, maltodekstrin, hipromelloza, maqnezium-stearat, susuz kolloidal silisium-4 oksid.

 

Təsviri:
DIABETON MR 60 mq-lıq modifikasiya edilmiş tabletlər, ağ rəngli uzunsov tabletlər olub, hər iki üzündə bölmə xətti və "DIA 60" işarəsi vardır.

 

Farmakoterapevtik qrupu: Peroral antidiabetik preparat. Sulfonil-sidik cövhərinin törəməsi.

 

İstifadəsinə göstərişlər:
DİABETON MR 60 mq tabletlər qanda şəkərin səviyyəsinin azaldılması üçün nəzərdə tutulmuş dərman vasitəsidir (sulfonil-sidik cövhəri qrupundan olan antidiabetik peroral preparat).
Böyüklərdə şəkərli diabetin bəzi formaları (II tip diabet) zamanı pəhrizin gözlənilməsi, fiziki gərginlik və çəki itirməsinin qanda şəkərin səviyyəsinə adekvat şəkildə nəzarət edilməsi üçün kifayət etmədiyi hallarda istifadə edilir.

 

Əks göstərişlər:

DİABETON MR 60 mq tabletlər aşağıdakı hallarda istifadə etmək məsləhət deyil:

  • əgər qliklazidə, DİABETON MR 60 mq tabletlərin istənilən digər komponentinə, bu qrupdan (sulfonil-sidik cövhəri) olan digər preparatlara və ya digər oxşar preparatlara (hipoqlikemik sulfonamidlər) qarşı allergiyanız varsa (həssaslığın yüksəlməsi);
  • əgər insulindən asılı diabetdən (I tip) əziyyət çəkdikdə;
  • əgər sidik analizinizdə keton cisimcikləri və ya şəkər aşkar olunmuşsa (bu, sizdə diabetik ketoasidozun olduğunun göstəricisi ola bilər), diabetik koma və ya prekoma halında;
  • əgər böyrək və ya qaraciyərinizdə ciddi bir xəstəlik varsa;
  • əgər göbələk infeksiyalarının müalicəsi üçün dərman vasitəsi qəbul edilir (mikonazol, "Digər dərman vasitələri ilə qarşılıqlı təsiri" bölməsinə baxın);
  • əgər uşaq əmizdirirsiniz ("Hamiləlik və laktasiya dövründə istifadəsi" bölməsinə baxın).

 

Xüsusi göstərişlər:
Qanda şəkərin səviyyəsinin tarazlamaq üçün həkiminiz tərəfindən təyin edilmiş müalicə planına riayət olunmalıdır. Bu o deməkdir ki, tabletlərin müntəzəm qəbulu ilə yanaşı, siz həm də pəhriz rejiminizə riayət etməli, fiziki məşğələlərlə məşğul olmalı və zərurət olduğu hallarda çəki itirməlidir.
Qliklazidlə müalicə müddəti ərzində qanda (və əgər lazım gələrsə, sidikdə) şəkərin, eləcə də qlikogenləşmiş hemoqlobinin (HbA1c) səviyyəsinin mütəmadi müşahidə altında saxlanılması vacibdir.
Şəkərin səviyyəsinin enməsi aşağıdakı hallarda baş verə bilər:

  • qida qəbulunun qeyri-müntəzəm olması və ya qida qəbulunun ötürülməsi;
  • qida qəbulundan imtina etmə;
  • pis qidalanma;
  • qidanın tərkibinin dəyişməsi;
  • karbohidrat qəbulunu uyğunluq etmədən fiziki gərginliyin artırılması;
  • spirtli içki qəbul edilməsi, xüsusilə də bu hal qida qəbulunun buraxılması ilə müşayiət olunursa;
  • eyni zamanda digər tibbi və ya təbii preparat qəbul edilməsi;
  • həddən artıq yüksək miqdarda qlikazidin qəbulu;
  • hormondan asılı pozğunluqların (qabcanabənzər vəzi, hipofiz və ya böyrəküstü vzibrin qabıq maddəsinin funksional pozğunluqlar) mövcudluğu;  
  • ağır böyrək və ya qaraciyər pozğunluğunun olması.


Qanda şəkərin səviyyəsi həddən artıq aşağı olduqda aşağıdakı simptomlar meydana çıxa bilər:
Başağrısı, güclü aclıq hissi, ürəkbulanma, qusma, yorğunluq, yuxu pozulmalar, narahatlıq, aqressivlik, diqqət cəmləmənin pozulması, diqqətinə reaksiya vermə qabiliyyətinin azalması, depressiya, huşun qaranlıqlaşması, nitq və ya görmənin pozulması tremor, hissiyyat pozğunluqları, başgicəllənmə və özünü köməksiz hissetmə.
Həmçinin, aşağıdakı əlamət və klinik təzahürlər meydana çıxa bilər: tər ifrazının artması, dərinin soyuq və nəm olması, həyəcanlılıq, ürək döyüntülərinin tezləşməsi və qeyri-müntəzəmliyi, arterial təzyiqin yüksək olması, döş qəfəsində bədənin yaxında yerləşən nahiyələrinə yayılan qəfil güclü ağrı (stenokardiya).

Əgər qanda şəkərin səviyyəsi enməkdə davam edirsə, sizdə huşun nəzərəçarpacaq dərəcədə qaranlıqlaşması (delirium), qıcolmalar, özünə nəzarətin itirilməsi, tənəffüsün səthiləşməsi, ürək yığılmalarının ləngiməsi baş verə və huşunuzu itirə bilərsiniz.
Əksər hallarda qanda şəkərin səviyyəsinin enməsinin klinik təzahürləri istənilən formada, məsələn, qlükoza tabletləri, bir tikə qənd, şirin şirə və ya şirin çay formasında olmaqla şəkər qəbulundan sonra tez bir zamanda keçib gedir.
Bu səbəbdən də özünüzlə hansı şəkildə olmasından (qlükoza tabletləri, qənd tikələri) asılı olmayaraq hər zaman şəkər gəzdirməlisiniz. Yadda saxlayın ki, süni şəkərlər effektsizdir. Əgər şəkər qəbulu kömək etmirsə və ya simptomlar təkrarən meydana gəlməyə başlayırsa, həkiminizlə əlaqə saxlayın və ya ən yaxında yerləşən xəstəxanaya müraciət edin.
Qanda şəkərin səviyyəsinin azalma əlamətləri heç olmaya, zəif nəzərə çarpa və ya ləng meydana gələ bilər, yaxud da siz qanda şəkərin səviyyəsinin endiyini dərhal başa düşməyə bilərsiniz. Bu hal bəzi dərman preparatlarını, məsələn, mərkəzi sinir sisteminə təsir göstərən preparatlar və beta-blokatorları qəbul edən ahıl yaşlı xəstələrdə müşahidə oluna bilər.
Stress vəziyyətində (məsələn, bədbəxt hadisə, cərrahi əməliyyat, həddən artıq isti və s.) həkim müvəqqəti olaraq sizə insulin terapiyası təyin edə bilər.
Qanda şəkərin səviyyəsinin yüksəlməsinin klinik təzahürləri (hiperqlikemiya) qliklazidin şəkərin səviyyəsini hələ kifayət qədər endirə bilmədiyi hallarda, sizə həkim tərəfindən təyin olunmuş müalicə planına riayət etmədikdə və ya bir sıra stress vəziyyətlərdə meydana gələ bilər. Mümkün əlamətlərə aşağıdakılar daxildir: susuzluq, tez-tez sidiyə getmə, ağızda quruluq, dəridə quruluq və qaşınma, dəri infeksiyaları və effektivliyin azalması.
Əgər yuxanda qeyd edilən əlamətləri özünüzdə müşahidə edirsiniz, müalicə həkiminizə və ya əczaçıya müraciət edin.
Əgər qlükoza-6 fosfat dehidrogenazanın irsi çatışmazlığı (Q6FD - eritrositlərin normal xüsusiyyətlərini itirməsi) varsa, o zaman orqanizminizdə hemoqlobinin səviyyəsi düşə və eritrositlərin sayı azala bilər (hemolitik anemiya). Bu preparatı qəbul etməzdən öncə həkiminizlə əlaqə saxlayın.

DİABETON MR 60 mq, modifikasiya edilmiş tabletlər uşaqlara təyini tövsiyə edilmir, belə ki, bu istiqamətdə məlumatlar mövcud deyildir.

 

Digər dərman vasitələri ilə qarşılıqlı təsiri:
Hətta əgər reseptsiz buraxılan dərman vasitəsi olsa belə, hazırda və ya yaxın keçmişdə hansı dərman vasitələrini qəbul etdikdə dair müalicə həkiminiz və ya əczaçınızı həmişə məlumatlandırın, belə ki, onlar DİABETON MR 60 mq, modifikasiya edilmiş tabletlərlə qarşılıqlı təsirə girə bilərlər.
Əgər aşağıdakı dərman preparatlardan birini qəbul edirsiniz, qliklazidin hipoqlikemik effektinin güclənməsi baş verə və qanda şəkərin səviyyəsinin azalmasının klinik əlamətləri meydana çıxa bilər:

  • qanda şəkərin səviyyəsinin qalxması zamanı müalicə üçün istifadə edilən digər preparatlar (peroral antidiabetik preparatlar və ya insulin);
  • antibiotiklər (məsələn, sulfonamidlər);
  • arterial təzyiqin yüksəlməsi və ya ürək çatışmazlığı zamanı istifadə edilən preparatlar (beta-blokatorlar, kaptopril və ya enalapril kimi AÇF inhibitorları);
  • göbələk infeksiyalarının müalicəsi üçün istifadə edilən preparatlar (mikonazol, flukonazol);
  • mədə və ya onikibarmaq bağırsaq xorasının müalicəsi üçün istifadə edilən preparatlar (H2 reseptor antaqonistləri);
  • depressiyanın müalicəsi üçün istifadə edilən preparatlar (monoaminoksidazanın inhibitorları);
  • ağrıkəsici və ya revmatizm əleyhinə preparatlar (fenilbutazon, ibuprofen);
  • tərkibində spirt olan preparatlar.

 

Əgər aşağıda çəkilən  dərman preparatlarından birini qəbul edirsiniz, qliklazidin hipoqlikemik effekti zəifləyə və qanda şəkərin səviyyəsinin yüksəlməsi müşahidə edib bilər:

  • mərkəzi sinir sistemi pozğunluqlarının müalicəsi üçün nəzərdə tutulmuş preparatlar (xlorpromazin);
  • iltihab əleyhinə vasitələr (kortikosteroidlər);
  • astmanın müalicəsində və ya doğuş zamanı təyin edilən dərman preparatları (venadaxili salbutamol, ritodrin və terbutalin);
  • süd vəzi patologiyaları, güclü aybaşılar və endometrioz zamanı tətbiq edilən preparatlar (danazol).

 

DİABETON MR 60 mq, modifikasiya edilmiş tabletlər qanın laxtalanmasını azaldan (durulaşdıran) preparatların (məsələn, varfarin) təsirini gücləndirə bilər.
Digər dərman vasitəsinin qəbuluna başlamadan əvvəl müalicə həkiminizlə məsləhətləşin. Əgər xəstəxanaya müraciət etsəniz, DİABETON MR 60 mq tabletləri qəbul etdiyiniz dair tibb personalını məlumatlandırın.

 

DİABETON MR 60 mq qida və içkilərlə birlikdə qəbulu:
DİABETON MR 60 mq qida və tərkibində spirt olmayan içkilərlə birlikdə qəbul edilə bilər. Spirt istifadəsi tövsiyə edilmir. Belə ki, o sizdə olan şəkərli diabetə nəzarət prosesinə qabaqcadan proqnozlaşdırıla bilməyən şəkildə mane ola bilər.

 

Hamiləlik və laktasiya dövründə istifadəsi:
DIABETON MR 60 mq tabletlər hamiləlik zamanı qəbulu tövsiyə edilmir. Əgər hamiləlik planlaşdırılır və ya hamilə olduğunuz faktı təsdiqlənib, Sizə daha uyğun müalicə üsulunun seçilməsi üçün bu barədə həkiminizə məlumat verin.
Laktasiya zamanı, DİABETON MR 60 mq tabletləri qəbul etməməlisiniz. İstənilən dərman vasitəsinin qəbuluna başlamadan əvvəl müalicə həkiminizlə məsləhətləşin.

 

Nəqliyyat vasitələrinin və digər potensial təhlükəli mexanizmlərinin idarəetmə qabiliyyətinə təsiri:
Əgər qanınızda şəkərin səviyyəsi həddən artıq yüksəlmiş (hiperqlikemiya) və ya enmişsə (hipoqlikemiya), yaxud da qeyd edilən vəziyyətlərin nəticəsi olaraq görməniz pozulmuşsa diqqətinizi cəmləmə və ya reaksiya vermə qabiliyyətiniz azala bilər. Yadda saxlayın ki, bu zaman özünüzün və digərlərinin həyatmı təhlükə altına ala bilərsiniz (avtonəqliyyat və ya mexanizm idarə edərkən). Əgər sizdə aşağıdakı hallar müşahidə edilirsə, avtomobil idarə edə bilib-bilməyəcəyinizlə əlaqədar müalicə həkiminizin tövsiyələrini alın:

  • qanda şəkərin səviyyəsinin tez-tez düşməsi (hipoqlikemiya);
  • qanda şəkərin səviyyəsinin düşməsi (hipoqlikemiya) əlamətləri azdırsa və ya ümumiyyətlə müşahidə edilmirsə.

 

DIABETON MR 60 mq tabletlərin tərkibinə daxil olan bəzi komponentlərə dair vacib məlumat:
Tabletlərin tərkibinə laktoza daxildir. Əgər həkiminiz sizə şəkərlərin bəzi növlərinə qarşı davamsızlığın olduğuna dair məlumat vermişsə, o halda bu dərman vasitəsinin qəbuluna başlamadan əvvəl müalicə həkiminizlə məsləhətləşin.

 

İstifadə qaydası və dozası:
DİABETON MR 60 mq, modifikasiya edilmiş buraxılışı tabletlərin qəbulu zamanı həkim təlimatlarına həmişə ciddi riayət edin. Əgər dərman vasitəsinin düzgün qəbuluna dair şübhələriniz varsa, həkim və ya əczaçı ilə məsləhətləşməlisiniz.
Həkim müalicəvi dozanı qanda, eləcə də ola bilsin ki. sidikdə şəkərin miqdarına əsasən müəyyən edir.
Xarici faktorların istənilən şəkildə dəyişməsi (çəkinin azalması, həyat tərzinin dəyişdirilməsi, stress) və ya şəkərin səviyyəsinin yaxşılaşması qliklazidin dozasının dəyişdirilməsini tələb edə bilər.
Adətən doza yarım tabletdən 2 tabletədək (maksimum 120 mq) olmaqla gündə bir dəfə səhər yeməyi zamanı qəbulu nəzərdə tutulur. Bu, müalicəyə yatımlılıqdan asılıdır.
DİABETON MR 60 mq tabletlərin alfa-qlikozidazanın inhibitoru olan metformin və ya insulinlə birlikdə qəbulu hallarında həkim fərdi olaraq sizin üçün hər bir preparatın lazımi dozasını müəyyən edir.
Əgər DİABETON MR 60 mq Sizə həddən artıq güclü və ya lazım olduğundan az təsir etdiyini
hesab edirsiniz, müalicə həkimlə və ya əczaçınızla məsləhətləşin.

 

Qəbul qaydası:
Tabletlər daxilə (peroral) qəbul edilir.
Tabletin yarısını və ya bütöv tableti udmaq lazımdır. Tabletləri xırdalamaq və ya çeynəmək olmaz.
Tabletlərin səhər yeməyi zamanı bir stəkan su ilə qəbulu tövsiyə edilir (hər gün eyni vaxtda qəbulu məqsədəuyğundur).
Tabletlərin qəbulundan sonra mütləq qida qəbul edilməlidir.

 

Doza həddinin aşılması:
Əgər həddən çox miqdarda tablet qəbul edilib, ən yaxınlıqda yerləşən təcili yardıra məntəqəsi ilə əlaqə yaradın və ya bu halda dərhal müalicə həkiminizi xəbərdar edin. İfrat dozalanma əlamətlərinə qanda şəkərin səviyyəsinin düşməsinin (hipoqlikemiya) bu təlimatın "Xüsusi xəbərdarlıq"
bölməsində təsvir edilən əlamətləri aiddir. Belə klinik təzahürlərin yüngülləşdirilməsi üçün dərhal qənd qəbul etmək (4-6 tikə) və ya şirin su içmək, bundan sonra isə yaxşı qəlyanaltı etmək və ya tam yemək şəklində qida qəbul etmək olar. Əgər xəstə huşunu itirmiş vəziyyətdədirsə, o zaman
dərhal həkimi xəbərdar edin və ya təcili yardımı çağırın. Əgər kimsə, məsələn, uşaq təsadüfən bu preparatı qəbul etmişsə, eyni tədbirləri görün.
Huşunu itirmiş xəstəyə su içirmək və ya onu yedirmək olmaz.
Belə vəziyyətin ola biləcəyi haqda məlumatlandırılan və zərurət olduğu halda həkim çağıra biləcək bir adamın olmasının qabaqcadan qayğısına qalmaq məqsədəuyğundur.

 

DİABETON MR 60 mq tabletləri qəbul edilməsi unudulubsadə:  
Şəkərli diabetin müalicəsi adətən Ömürlük davam edən bir proses olduğuna görə, bu preparatın qəbulunun dayandırılmasından öncə müalicə həkiminizlə məsləhətləşməlisiniz. Müalicənin dayandırlması qanda şəkərin miqdarının artmasına (hiperqlikemiya) səbəb ola bilər.
Əgər preparatın qəbulu ilə bağlı əlavə suallarınız yaranarsa, müalicə həkiminizə və ya əczaçınıza müraciət edin.

 

Mümkün əlavə təsirləri:
Digər dərman vasitələri kimi, DİABETON MR 60 mq, təsiredici maddəsi modifikasiya edilmiş şəkildə xaric olan tabletlərin də bütün xəstələrdə təsadüf etməsə də müəyyən əlavə təsirləri mövcuddur.
Əlavə təsirlər arasında ən çox qanda şəkərin səviyyəsinin düşməsi (hipoqlikemiya) təsadüf edilir. Klinik əlamətləri "Xüsusi göstərişlər" başlıqlı bölmədə təsvir edilir.
Müalicə aparmadığı təqdirdə bu klinik əlamətlər yuxuculluq, huşun itməsi və hətta koma ilə nəticələnə bilər. Əgər qanda şəkərin səviyyəsinin düşməsi epizodu həddən artıq ağır keçirsə və ya həddən artıq uzun müddət davam edirsə, hətta bu hal şəkər qəbulu vasitəsilə müvəqqəti yüngülləşdirildikdə belə dərhal tibbi yardım üçün müraciət edilməlidir.

Qaraciyər pozğunluqları:
Tək-tək hallarda qaraciyərin funksional göstəricilərinin normadan kənara çıxması haqda məlumat vardır ki, bu hal da dəri və sklerada (gözlərdə) sarılıq əmələ gəlməsinə səbəb olur. Əgər təsvir edilən hal baş verərsə, dərhal müalicə həkiminizə müraciət edin. Adətən bu simptomlar preparatın qəbulu dayandırıldıqdan sonra keçib gedir. Müalicənin dayandırılmasının lazım olub-olmaması həkiminiz müəyyən etməlidir.

Dəri pozğunluqları:
Səpgi, qızartı, qaşınma və övrə kimi dəri reaksiyalarının baş verdiyinə dair məlumatlar daxil olmuşdur. Həmçinin, ağır dəri reaksiyaları da baş verə bilər.

Qanın tərkibində pozğunluqlar:
Qan hüceyrələrinin (trombosit, eritrosit və leykositlər) miqdarının azalması barədə məlumat mövcuddur ki, sonuncu da rəngin solğunluğuna və uzunmüddətli qanaxmaya səbəb ola bilər. Bundan başqa qançırlar, boğaz ağrısı və hərarətin yüksəlməsi halları da təsadüf edə bilər. Adətən bu simptomlar preparatın qəbulu dayandırıldıqdan sonra keçib gedir.

Mədə-bağırsaq pozğunluqları:
Qarın nahiyəsində ağır, ürəkbulanma, qusma, mədədə həzmin pozulması, ishal və qəbizlik baş verə bilər. Bu əlamətlər rast gəlinməsi, DIABETON MR 60 mq tabletlərin qəbulu, həmin təlimatda da tövsiyə edildiyi kimi, qida qəbulu ilə eyni vaxta təsadüf etdikdə azalır.

Oftalmoloji pozğunluqlar:
Görməniz qısamüddətli olaraq, xüsusilə müalicənin başlanğıc dövrlərində pozula bilər. Bu effekt qanda şəkərin səviyyəsinin dəyişməsi ilə əlaqədardır.
Sulfanil sidik cövhərinin qəbulu zamanı qan hüceyrələrinin miqdarında ağır dəyişikliklərin və qan damarlarının divarlarında allergik iltihabın baş verməsi hallarına rast gəlmişdir. Qaraciyər fəaliyyətinin sulfanil sidik cövhərinin qəbulunun dayandırılmasından sonra keçib-gedən pozulması (məsələn, sarılıq) baş vermişdir; lakin bəzi hallarda bu vəziyyətin həyat üçün təhlükəli qaraciyər çatışmazlığına qədər inkişaf etməsi də təsadüf etmişdir.
Əgər əlavə təsirlər ciddi xarakter alarsa və ya əgər özünüzdə bu içlik vərəqədə sadalanmayan əlavə təsirlər müşahidə edərsəniz, bu barədə müalicə həkiminizə və ya əczaçıya məlumat verin.

 

Buraxılış forması: Tabletlər, içərisində 7,14,15,20,28,30,56,60, 84,90,100,112,120, 180 və ya 500 tablet olan konturlu-yuvalı qablarda buraxılır. Satışda qeyd edilən bütün qabların olmaması mümkündür.
Saxlanma şəraiti: 30°C-dən yüksək olmayan temperaturda və uşaqların əli çatmayan yerdə saxlamaq lazımdır;
Yararlılıq müddəti: 3 il. Qabın üzərində qeyd edilən yararlılıq müddəti bitdikdən sonra istifadə etmək olmaz. Yararlılıq müddəti göstərilən ayın son gününə aiddir.
Dərman vasitəsini axar suya və ya çirkab sularına buraxmaq olmaz. Qəbulu başa çatmış dərman vasitələrinin zərərsizləşdirilməsinə dair əczaçıdan məlumat alın. Bu tədbirlər ətraf mühitin mühafizəsinə yönəlmişdir.
Aptekdən buraxılma şərti: Resept əsasında buraxılır.

 

Satış səlahiyyətinin sahibi: Les Laboratoires Servier 50, rue Carnot-92284 Suresnes cedex France - Fransa.
İstehsalçılar: Les Laboratoires Servier Industrie 905, route de Saran 45520 Gidy-Fransa və ya Servier (Ireland) Industries Ltd Gorey Road, Arklow - Co. Wicklow İrlandiya