TEMPALGİN - TEMPALGIN (örtüklü tabletlər)
Beynəlxalq patentləşdirilməmiş adı: Metamizole sodium, Triacetonamine-4-toluensulfonate.

Dərman vasitəsinin istifadəsi üzrə təlimat (xəstələr üçün)

Tərkibi:
Təsiredici maddə: 1 örtüklü tabletin tərkibində 500 mq metamizol-natrium və 20 mq Triasetonamin-4-toluensulfonat vardır.
Köməkçi maddələr: buğda nişastası, mikrokristallik sellüloza, kollidon K 25, maqnezium-stearat, talk, titan 4-oksid, "Euroblend green" 601538P25 boyası.

Farmakoterapevtik qrupu:
Kombinə olunmuş ağrıkəsici dərman vasitəsi.

İstifadəsinə göstərişlər:
Baş və diş ağrılarının qısa müddətli simptomatik müalicəsi. Stomatoloji manipulyasiyalar.

Əks göstərişlər:

• Preparatın komponentlərinə qarşı yüksək həssaslıq.
• Qlükozo-6-fosfatdehidrogenazanm çatışmazlığı (qırmızı qan cisimciklərinin dağılması təhlükəsi yaradan irsi xəstəlik).
• Kəskin qaraciyər porfiriyası (eritrositlərin yaranma prosesinin pozulmasına səbəb olan irsi xəstəlik).
• Ağır qaraciyər və böyrək xəstəlikləri.
• Aplastik anemiya (sümük iliyinin qanyaradıcı funksiyasının pozulması nəticəsində baş verən anemiya), aqranulositoz (ağ qan hüceyrələrinin müəyyən növlərinin güclü şəkildə azalması) və leykopeniya (ağ qan hüceyrələrinin ümumi miqdarının azalması).
• Hamiləlik (1-ci və axırıncı trimestr).
• 12 yaşına qədər uşaqlar.

Ehtiyat tədbirləri:
Tempalgin aşağıdakı hallarda xüsusi ehtiyatla istifadə olunmalıdır:

• ağrıkəsici maddələrə qarşı mövcud dözümsüzlük (analgetiklərə və revmatizm əleyhinə dərman vasitələrinə qarşı dözümsüzlük)
• allergik bronxial astma (boğulma tutması);
• leykositlərin miqdarının azalmasına səbəb olan xəstəliklər;
• böyrəklərin və qaraciyərin funksional pozğunluqları. Alkoqolla birlikdə istifadə etmək olmaz.

Xüsusi xəbərdarlıq:
Preparatın tərkibində köməkçi maddə kimi buğda nişastası vardır. Bu, qluten enteropatiyası olan xəstələr üçün təhlükə törədə bilər.

Digər dərman vasitələri ilə qarşılıqlı təsiri:
Metamizol-natriumla xlorpromazini (psixi xəstəliklərinin müalicəsi üçün istifadə olunan dərman vasitəsi) eyni vaxtda istifadə etdikdə ağır hipotermiya (bədən temperaturunun kəskin düşməsi) baş verə bilər.
Metamizol-natrium kumarin antikoaqulyantlarının (qanın laxtalanma qabiliyyətini aşağı salan dərman vasitələri) və siklosporinin (şiş xəstəliklərinin müalicəsi üçün istifadə olunan dərman vasitəsi) təsirini zəiflədir. Metamizol-natriumla xloramfenikolu və digər mielotoksik preparatları (qanın laxtalanmasına pozucu təsir göstərən dərman vasitələri) eyni zamanda istifadə etdikdə qanyaradıcı sistemə əlavə təsirlərin güclənməsi riski artır.
Triasetonamin-4-toluensulfonat yuxu dərmanlarının, ümumi anestetiklərin, narkotik və qeyri-narkotik ağrıkəsici dərman vasitələrinin təsirini gücləndirir.
Tempalginlə eyni vaxtda hər hansı digər preparat qəbul etməzdən əvvəl, həkimlə məsləhətləşmək lazımdır.

Hamiləlik və laktasiya dövründə istifadəsi:
Hamiləlik dövründə, xüsusilə hamiləliyin 1-ci və 3-cü trimestrində istifadə olunması məsləhət görülmür, hamiləliyin 2-ci trimestrində isə yalnız həkimin hərtərəfli araşdırmasından və razılığından sonra istifadə etmək olar.
Laktasiya dövründə istifadə etmək olmaz, belə ki, preparatın tərkibində olan hər iki təsiredici maddə ana südünə keçir.

Nəqliyyat vasitəsini və potensial təhlükəli mexanizmləri idarəetmə qabiliyyətinə təsiri:
Preparatın tərkibinə daxil olan triasetonamin-4-toluensulfonat diqqətin toplanması qabiliyyətini aşağı salır və şərti refleksləri zəiflədir, ona görə preparatdan istifadə edərkən nəqliyyat vasitələrini və potensial təhlükəli mexanizmləri idarə etmək olmaz.

İstifadə qaydası və dozası:
Preparat daxilə qəbul edilir. Doza həkim tərəfindən fərdi olaraq müəyyən edilir.
Klinik əlamətlərin ağırlıq dərəcəsindən asılı olaraq:

böyüklərə: gündə 3-4 dəfə, hər dəfə 1 örtüklü tablet təyin olunur.
12 yaşdan böyük uşaqlara: gündə 2 dəfə 1 örtüklü tablet təyin olunur.
Müalicə kursunun müddəti 5-7 gündən çox olmamalıdır.

Əlavə təsirləri:
Pentalgindən istifadə zaman ən çox rast gələn əlavə təsirlər yüksək həssaslıq reaksiyalarıdır: qaşınma, dəri səpkiləri, udlağın ödemi, astma tutması, allergik şok.
Mədə-bağırsaq sisteminə: ürəkbulanma, qusma, qarın nahiyəsində narahatlıq və ağrı, nadir hallarda zədələnmə və qanaxma.
Meylli xəstələrdə aqranulositoz, leykopeniya, aplastik anemiya, suyun və elektrolitlərin ləngiməsi, baş ağrısı, başgicəllənmə, ürək döyüntüsü, ürək ritmi tezliyinin artması, qaraciyər fermentlərinin rolunun yüksəlməsi, öd ifrazının pozulması, qanda biluribinin rolunun yüksəlməsi baş verə bilər.
Preparatın qəbulu zamanı meydana çıxan bütün arzuolunmaz təsirlər barədə həkimi məlumatlandırmaq lazımdır.
Doza həddinin aşılması:
Əlamətləri: ürəkbulanma, başgicəllənmə, qarında ağrı, mərkəzi sinir sistemində pozğunluq, şüurun itməsi, arterial təzyiqin güclü şok dərəcəsinə qədər aşağı düşməsi (qan təzyiqinin aşağı düşməsi nəticəsində şüurun itməsi) və ürək ritminin pozulması.
Şok vəziyyətinin ilk əlamətləri (soyuq tər, başgicəllənmə, ürək bulanma, dərinin rənginin dəyişməsi, boğulma) meydana çıxan kimi, dərhal ən yaxında olan həkimə müraciət etmək lazımdır.
Həkim gələnə qədər xəstə uzanıqlı vəziyyətdə olmalı, ayaqlarını hündürə qaldırmalıdır.
Müalicəsi: ümumi qəbul edilmiş intensiv tədbirlərlə (mədənin yuyulması, aktivləşdirilmiş kömür qabulu, sirkulyator həcmin bərpası, simptomatik vasitələrin istifadəsi, süni tənəffüs) yanaşı hemodializ aparılır, qan köçürülür.

Buraxılış forması: 10 ədəd örtüklü tablet PVX/alüminium folqadan hazırlanmış blisterə yerləşdirilir. 2 (20 örtüklü tablet) və ya 30 (300 örtüklü tablet) blister içlik vərəqə ilə birlikdə karton qutuya yerləşdirilir.
Saxlanma şəraiti: 25'C-dən yuxan olmayan temperaturda, qaranlıqda və uşaqların əli çatmayan yerdə saxlamaq lazımdır.
Yararlılıq müddəti: 4 il. Yararlıq müddəti bitdikdən sonra istifadə etmək olmaz.
Aptekdən buraxılma şərti: Reseptsiz buraxılır.

İstehsalçı: AO "SOFARMA", Bolqariya, 1220 Sofiya,