STREZAM (kapsullar)

Beynəlxalq patentləşdirilməmiş adı: Etifoxin hidrochloride

Dərman vasitəsinin istifadəsi üzrə təlimat (xəstələr üçün)

Tərkibi: 

Təsiredici maddə: 1 kapsulda 50 mq etifoksin-hidroxlorid vardır.

Köməkçi maddələr: laktoza monohidrat,talk, mikrokristal sellüloza, kolloidal silisium 4-oksid maqnezium-stearat.

Farmakoterapevtik qrupu: Anksiolitik

Farmakoloji xüsusiyyətləri:

Etifoksin-hidroxlorid terapevtik dozada anksiolitik təsirə malikdir.

Etifoksin-hidroxlorid psixomotor reaksiyaların sürətinə təsir etmir və gündüz trankvilizatoru kimi istifadə oluna bilər.

İstifadəsinə göstərişlər:

Stressor pozğunluqlarla əlaqəli nevrastenik vəziyyətlər; təşviş,gorxu,narahatlıq kimi simptomlarla müşaiyət olunan nevrastenik vəziyyətlər,təşvişli-fobiyalı pozğunluqlar,kifayət qədər nəzərə çarpan qorxu ilə müşayiət olunan vegetativ pozğunluqlar,apatiya,aktivliyin azalması ilə müşayiət olunan nevrostenik hallar.

Əks göstərişlər:

Preparatın komponentlərinə garşı yüksək həssaslıq,şok,miasteniya,ağır qaraciyər və böyrək catışmazlığı.Preparatın tərkibinə laktoza daxildir,bu səbəbdən anadangəlmə qalaktozemiya xəstəliyi olan,qlükoza və qalaktoza malabsorbsiyası sindromu və ya laktaza çatışmazlığı olan şəxslərə, hamiləlik və laktasiya dövründə preparatın təyin olunması məsləhət ğörülmür.

Xüsusi göstərişlər:

Preparat,kifayət gədər kliniki tədgigatlar aparılmadığına ğörə,15 yaşdan aşağı uşaqlara təyin olunmur. Strezamla müalicə bitdikdən sonra,xəstədə ləğv edilmə sindromu yaranmır.Strezam psixomotor reaksiyaların sürətinə təsir etmir,lakin preparata garşı individual reaksiyaları nəzərə almagla,avtomobil və potensial təhlükəli mexanizmlərin idarəetmə qabiliyyətinin gısa müddətli zəifləməsi halları istisna edilmir.

Strezamla müalicə zamanı,spirtli içkilərin və mərkəzi sinir sisteminə təsir edən preparatların (haloperidol,diazepam,imipramin) qəbulu məsləhət görülmür.

Digər dərman vasitələri ilə qarşılıqlı təsiri:

Əgər siz hər hansı digər preparat qəbul edirsinizsə, bu barədə mütləq həkiminizə bildirin. Strezam mərkəzi sinir sisteminə təsir edən preparatlarla (neyroleptiklər, trankvilizatorlar, an-tidepressantlar, analgetiklər,sedativ preparatlar) eyni zamanda qəbul etdikdə, effektlərin qarşılıqlı güclənməsi müşahidə oluna bilər.

İstifadə qaydası və dozası:

Dozalanmanı və müalicə kursunun müddətini, xəstəliyin ağırlığından asılı olarag ,həkim təyin edir. 15 yaşdan yuxarı uşaqlara və böyüklərə sutka ərzində 2-3 dəfə yeməkdən qabaq 1 kapsul təyin edilir.Müalicə kursunun maksimal müddəti 12 həftədir.

Doza həddinin aşılması:

Hipotenziya (gan təzyiginin enməsi) yaranır.Ehtiyac varsa,tibb işciləri tərəfindən simptomatik müalicə aparılır.Spesifik antidotu yoxdur.

Əlavə təsirləri:

Bəzən müalicə kursunun əvvəlində başgicəllənmə müşahidə olunur. Lakin sonradan,uzun müddətli müalicə zamanı ötüb keçir. Nadir hallarda dəridə səpgilər,məxmərək,angiodermit kimi allergik reaksiyalar əmələ gələ bilər.

Belə arzuolunmaz hallar müşahidə olunduğu zaman, preparatın qəbulunu dayandırmalı və həkimə müraciət etməlisiniz!

Buraxılış forması:

Hərəsində 12 kapsul olmaqla , 5 blister (60 tablet) içlik vərəqə ilə birgə karton qutuya yerləşdirilir.

Hərəsində 20 kapsul olmaqla , 3 blister (60 tablet) içlik vərəqə ilə birgə karton qutuya yerləşdirilir.

Saxlanılma şəraiti: 25^o C-dən aşağı temperaturda,uşaqların əli çatmayan yerdə saxlamaq lazımdır.Preparatı hamam otağında və mətbəxdə saxlamayın.

Yararlılıq müddəti: 3 il. Yararalılıq müddəti bitdikdən sonra istifadə etmək olmaz.

Aptekdən buraxılma şərti: Resept əsasında buraxılır.

İstehsalçı: BİOCODEX, Avenue Gallieni 7,Gentilli-France 94250.