SEFLONQ - CEFLONG (toz)

Beynəlxalq patentləşdirilməmiş adı: Ceftriaxone

1q əzələdaxili inyeksiya məhlulu hazırlamaq üçün toz.

 

Tərkibi:
Təsiredici maddə: hər flakonda 1q seftriakson (natrium duzu şəklində) vardır.
Köməkçi maddələr: 4 ml 1%-li lidokain-hidroxlorid məhlulu.

 

Farmakoterapevtik qrupu: 3-cü nəsil sefalosporin antibiotiki.

 

Farmakoloji xüsusiyyətləri:

Farmakodinamikası:
Geniş təsir spektrinə malik yarım sintetik sefalosporin antibiotikdir. Seftriaksonun natrium duzu bir çox qrammənfi və qrammüsbət bakteriyalara və anaeroblara bakterisid təsir göstərir:
Qrammənfi  bakteriyalar - Enterobacter aerogenes, Enterobacter cloacae, Escherichia coli, Acinetobacter calcoaceticus, Haemophilus influenzae, Haemophilus parainfluenzae, Klebsiella oxytoca, Klebsiella pneumoniae,   Morganella morganii, Neisseria meningitidis, Neisseria gonorrhoeae, Proteus mirabilis, Proteus vulgaris, Serratia marcescens, Pseudomonas aeruginosa, Citrobacter spp., Salmonella spp., Providencia spp., Shigella spp., Serratia spp., Treponema pallidum.
Qrammüsbət bakteriyalar - Staphylococcus aureus, Staphylococcus epidermidis, Streptococcus pneumoniae, Streptococcus pyogenes, Streptococcus agalactiae, Streptococcus viridans, Streptococcus bovis.
Anaeroblar - Bacteroides fragilis, Clostridium spp., Peptostreptococcus species, Peptococcus spp., Bacteroides bivius, Bacteroides  melaninogenicus.

Farmakokinetikası:
Ə/d yeyildikdən sonra tam sorulur və 2-3 saatdan sonra plazmada maksimal konsentrasiyaya çatır. 33-67 % dəyişilməmiş halda sidiklə, müəyyən hissəsi isə ödlə xaric olur.
1 q v/d inyeksiyadan 1-3 saat sonra öddə 581 mkq/ml, ödqovucu yollarda-788 mkq/ml, plazma-da - 62,1 mkq/ml təşkil edir. Böyrək klirensi 0,32-0,73, plazma klirensi - 0,58 -1,45 l/saat təşkil edir.
Uşaqlarda 50-75 mq v/d yeyildikdə maksimal konsentrasiyası plazmada 216-275 mkq/ml, (meningitdə) 5,6-6,4 mkq/ml -ə qədər çatır.

 

Istifadəsinə göstərişlər:

  • Sepsis.
  • Yuxarı və aşağı tənəffüs yollarının infeksiyaları, pnevmoniya və ağ ciyər abssesi daxil olmaqla.
  • Qarın boşluğu orqanlarının infeksiyaları, peritonit daxil olmaqla.
  • Sidik - cinsiyyət orqanlarının infeksiyaları, qonoreya daxil olmaqla.
  • Sümüklərin, oynaqların, dərinin və yumşaq toxumaların infeksiyası, osteomielit daxil olmaqla.
  • Bakterial endokardit.
  • Əməliyyatdan öncə və sonra profilaktik məqsədlə.

 

Əks göstərişlər: Antibiotiklərə qarşı yüksək həssaslıq, yerli anestetiklərə qarşı allergik reaksiyalar, ürəyin blokadası.

 

Ehtiyat tədbirləri:
Penisillinə qarşı allergiyası olan xəstələrə ehtiyatla təyin edilməlidir. Seflonqdan istifadə edər-kən psevdomembranoz kolitin yaranması müşahidə oluna bilər. Buna görə də diareyalı xəstələrdə Seflonq ehtiyatla istifadə olunmalıdır. Əgər kolit təzəcə başlayıbsa preparatdan istifadəni dayandırmaq kifayətdir. Kolitin ağır formalarında isə vankomisindən istifadə etmək lazımdır.
Qaraciyər və böyrək çatışmazlığı zamanı Seflonqun gündəlik dozası 2 q-ı keçməməlidir. Mutagen təsiri yoxdur.

 

Hamiləlik və laktasiya dövründə istifadəsi: Hamiləlik və laktasiya dövründə yalnız o halda istifadə oluna bilər ki, preparatla müalicənin  anaya verə biləcəyi fayda onun dölə (südəmər uşağa) qarşı mövcud olan potensial riskdən üstün olsun.

 

Əlavə təsirləri:

  • Mədə-bağırsaq traktına - diareya, ürəkbulanma, qusma, stomatit, psevdomembranozkolit.
  • Dəriyə - ekzantema, allergik dermatit, səpki.
  • Hemolitik reaksiya - trombositoz,  eozinofiliya, leykopeniya, trombositopeniya, hemolitik anemiya.
  • Yerli reaksiyalar - flebit, inyeksiya nahiyəsində ağrı.

Gözlənilməz hallar baş verərsə həkimə müraciət etmək lazımdır.


Digər dərman vasitələri ilə qarşılıqlı təsiri: Digər antibiotiklərlə eyni şprisdə istifadə etmək olmaz!

 

Istifadə qaydası və dozası:

  • Böyüklər: əzələdaxili inyeksiya üçün birdəfəlik doza - 0,5 q. Gündəlik dozası - 1 -2 q. Maksimal gündəlik doza - 4 q-ı keçməməlidir.
  • Sağlam insanlarla müqayisədə, yaşlı və qaraciyər-böyrək çatışmazlığı olan xəstələrdə Seftriaksonun maksimal gündəlik dozası 2 q-dır.
  • Uşaqlarda - gündəlik doza hər 12 saatdan bir 50-75 mq/kq təşkil edir. Maksimal gündəlik doza 2 q-dan çox olmamalıdır.
  • Meningit zamanı - hər 12saatdan bir 100 mq/kq. Maksimal gündəlikdoza4 q-dan artıq olma-malıdır.
  • Kəskin ağırlaşmamış qonoreyada birdəfəyə 250 mq.
  • Əməliyyatdan öncə - 30 və yaxud 120 dəqiqə əvvəl vena daxilinə 1 q.
  • Törədicisi beta-hemolitik streptokok olan xəstəliklər zamanı müalicə müddəti 10 gündən az olmamalıdır.


Inyeksiya məhlullunun hazırlanma qaydası:

Əzələdaxili inyeksiya üçün 1 q ə/d Seflonq4 ml 1%-li lidokain -hidroxlorid məhlulunda, həll edilir.

 

Buraxılış forması:  Flakonda seftriaksonun tozu və ampul da həlledici. Seflonq 1 q, flakonlarda ə/d inyeksiya üçün. 1 flakon, içərisində 4 ml həlledici (1 %-li lidokain-hidroxlorid məhlulu) olan ampul içlik vərəqə ilə birlikdə karton qutuya qablaşdırılır.

Digər buraxılış formaları:

  • Seflonq O,5q, flakonlarda ə/d inyeksiya üçün.
  • Seflonq 1 q, flakonlarda v/d inyeksiya üçün.
  • Seflonq 0,5 q, flakonlarda v/d inyeksiya üçün.

 

Saxlanma şəraiti: 25°C-dən artıq olmayan temperaturda, qaranlıq və uşaqların əli çatmayan yerdə saxlamaq lazımdır. Seflonqun inyeksiya üçün hazırlanmış məhlulu otaq temperaturunda saxlandıqda - 24 saat ərzində, soyuducuda(4°C-də)saxlandıqda- 72saatərzindəstabilliyinisaxlayır.
Yararlılıq müddəti: Yararlılıq müddəti qablaşdırıldığı qutunun üzərində göstərilmişdir. Yararlılıq müddəti bitdikdən sonra istifadə etmək olmaz.

Aptekdən buraxılma şərti: Resept əsasında buraxılır.

 

İstehsalçı: Qeydiyyat sahibi Bilim Pharmaceuticals 34398 Məslək İstanbul/Türkiyə