KOM-FORTE (şərbət)
(Köpqovucu, spazmolitik, normokinetik)
Dərman vasitəsinin istifadəsi üzrə təlimat (xəstələr üçün)
5 ml siropun tərkibi:
- Adi cirə yağı (Pimpinella anísum) - 0,002 ml
- Şüyüd yağı (Anethum graveolens) - 0,003 ml
- Razyana yağı (Foeniculum vulgare) - 0,001 ml
Farmakoloji xüsusiyyətləri:
Adi cirə yağı – zəif köpqovucu təsiri vardır. MBT-nın funksiyasını normallaşdırır, həzm prosesini stimulə etməklə qazın əmələ gəlməsinin qarşısını alır. Bağırsaq divarının spazmını azaltmaqla peristaltikanı normallaşdırır. MBT-nın sekretor funksiyasını artırmaqla zəif işlədici təsir göstərir.
Şüyüd yağı - güclü köpqovucu və spazmolitik təsiri var. Uşaqlarda kolikalar zamanı bağırsağın saya əzələlərinin spazmını azaldır. Həzmi yaxşılaşdırmaqla köpün əmələ gəlməsinin qarşısını alır, iştahanı normallaşdırır. MBT-da qıcqırma və iltihabi prosesləri azaldır. Həmçinin sedativ və zəif işlədici təsirlərə malikdir. Südverən analarda laktasiyanı artırır.
Razyana yağı – köpqovucu və MBT-da ağrını azaldıcı təsirə malikdir. Həzm pozğunluğu, qıcqırma, ürəkbulanmanı aradan qaldırır. Bu da həmçinin südverən analarda laktasiyanı artırır.
Kom-forte südverən analarda həm laktogen təsir göstərir, həm də köpü azaltmaqla uşağın sancılanmasının qarşısını alır.
Göstərişlər:
- Aerofagiya
- Meteorizm
- Kolika
- Uşaqlarda yeməkdən sonrakı qaytarmalar
- Spastik kolit
Əks-göstəriş: Mədə-bağırsaq qanaxmaları, “kəskin qarın”.
Dozalanma və istifadə qaydası:
- 0-6 ay 5 ml gündə 2-4 dəfə
- 6 ay - 2 yaş 10 ml gündə 2-4 dəfə
- 2 yaşdan yuxarı və böyüklərdə 15 ml gündə 2-4 dəfə
Preparat yeməkdən 5-10 dəqiqə əvvəl istifadə olunur.
Buraxılış forması: Flakon 100 ml
İstehsalçı: Pharmex Rom İndustry - Rumıniya