HEPAŞOK (kapsullar)
Dərman vasitəsinin istifadəsi üzrə təlimat (xəstələr üçün)
Tərkibi: 1 kapsulun tərkibinə daxildir:
Ənginar ekstraktı (Ext. Cynara scolymus) - 200 mq
Südlü qanqal (Silybum marianum) - 50 mq
Çiçək tozu - 125 mq
Farmakoloji qrupu: Kombinə olunmuş təbii hepatoprotektor
Farmakoloji xüsusiyyətləri:
Hepaşok kombinə olumuş preparatdır, orqanizmdə aşağıdakı funksiyaları yerinə yetirir:
- Ödqovucu təsir – hepatositlərdə öd sekresiyasını artırır və ödçıxarıcı yolların tonusunu azaltmaqla ödün qovulmasını asanlaşdırır;
- Hipoxolesterinemik təsir – xolesterinin qaraciyərdə biosintezini inhibə edir və orqanizmdən xaric olmasını sürətləndirir;
- Hepatoprotektor təsir – hepatositlərin membranına dağıdıcı təsir göstərən faktorları neytrallaşdırır, zədələnmiş hepatositlərdə zülal və fosfolipid sintezini artırmaqla membran stabilliyini bərpa edir;
- Antioksidant təsir – hüceyrədaxili antioksidant ferment sistemini (SOD, qlütation, katalaza və s.) aktivləşdirir, tənəffüs fermentlərinin aktivliyini stimulə edir;
- İmmunostimulyator təsir – immuniteti artırmaqla qaraciyərin detoksikasion funksiyasını yaxşılaşdırır və qaraciyərin bərpa olmasını sürətləndirir;
- Renoprotektor təsir –azot mübadiləsinin son məhsullarının orqanizmdən xaric olunmasını sürətləndirir;
- Hamilələrdə mədə turşuluğunu azaldır, ürəkbulanma, qusma və ptializmi (ağız suyu ifrazının artması) aradan qaldırır.
Göstərişlər:
- Xroniki xolesistit, xroniki hepatit, sirroz
- Qaraciyər distrofiyası və piy infiltrasiyası (steatoz)
- Hamiləlik toksikozları (ptializm)
- Xroniki nefrit, böyrək çatışmazlığı
- Qaraciyər ensefalopatiyası
- Şəkərli diabet, lipid mübadiləsi pozğunluğu
- Köp və qəbizliyin kompleks müalicəsi
- Xroniki intoksikasiyalar (peşə)
- Pis vərdişlər (alkoqol, kofe, siqaret, narkotik)
- Hepatotoksik preparatlarla yanaşı (antihelmint, qıcolma əleyhinə, antibiotiklər)
Əks-göstərişlər: İndividual həssaslıq, öd daşı və sidik daşı xəstəliyi, qaraciyər, böyrək, öd kisəsi və sidikçıxarıcı yolların kəskin xəstəlikləri, qaraciyər çatışmazlığı.
Dozalanma və istifadə qaydası: 1 kapsul gündə 1-2 dəfə yeməkdən əvvəl 1 stəkan su ilə qəbul olunur.
Saxlanma şəraiti: Preparat otaq temperaturunda, quru və qaranlıq mühitdə, uşaqların əli çatmayan yerdə saxlanmalıdır.
Qablaşdırma: kapsul № 30 istifadə təlimatı ilə birgə karton qutuda
İstehsalçı:
«Medex» d.d., Linhartova cesta 049 A
Ljubljana, Slovenija
Distributor:
«JENZEN PHARMA», Binderstrasse, 9
D – 20148 Hamburg, Germany