PAN-TRAMADOL (İnyeksiya üçün məhlul)
Dərman vasitəsinin istifadəsi üzrə təlimat (xəstələr üçün)
ТƏRKİB:
Hər 1 ml ampulda 100 mq tramadol vardır.
FАRMAKOLOJİ XÜSUSİYYƏTLƏR:
Opioid reseptorlarının qismən aqonistləri qrupuna aid olan narkotik analgetikdir. Güclü ağrıkəsici təsirə malikdir. Tez və uzunmüddətli təsir edir.
GÖSTƏRİŞLƏR:
Güclü kəskin və xroniki ağrılar zamanı istifadə olunur:
- əməliyyatdan sonrakı dövrdə
- travmalar zamanı
- onkoloji xəstəliklər zamanı
- cərrahi əməliyyatdan əvvəl (ağrının profilaktikası məqsədilə)
- ağrılı diaqnostik və terapevtik manipulyasiyalar
ƏKS GÖSTƏRİŞLƏR:
Tramadola qarşı hiperhəssaslıq, alkohol, yuxugətirici, analgetik, opioid, psixotrop preparatlarla kəskin intoksikasiya, MAO inhibitorları qəbul edən və ya son iki həftə ərzində qəbul etmiş şəxslər , müalicə ilə normal idarə olunmayan epilepsiya, 14 yaşadək uşaqlar. Hamilələrə xüsusi ehtiyatla təyin edilir.
ƏLAVƏ TƏSİRLƏR: Nadir hallarda ürəkbulanma, başgicəllənmə, tərləmə müşahidə oluna bilər.
İSTİFADƏ QAYDASI:
Preparat venadaxili, əzələdaxili və ya dərialtı tətbiq olunur.Orta doza 50—100 mq/sut. Lazım gəldikdə 30—60 dəq sonra təkrar etmək olar. Güclü intensiv ağrılar zamanı 2 ml təyin olunur. Preparatın təsiri ağrının intensivliyindən asılı olaraq 4-8 saat davam edə bilər. Əməliyyatdan sonrakı ağrıları aradan qaldırmaq üçün ilk saatlar ərzində xəstənin vəziyyətindən asılı olaraq yüksək dozalar tələb oluna bilər. Preparat venadaxili asta, dəqiqədə 1 ml sürətlə yeridilir. Preparat uyğun olan infuziya məhlulu, əsasən natrium xlorid 0.9% və ya 5% qlükoza ilə birgə də venadaxiliyeridilə bilər. Ağrıkəsici effekt venadaxili yeridilmə zamanı 5-10 dəqiqədən sonra başlayır və 3-5 saat davam edir. Maksimal sutkalıq doza 400 mq-dır. 1-14 yaşlı uşaqlarda birdəfəlik doza 1—2 mq/kq təşkil edir. Maksimal sutkalıq doza 4—8 mq/kq -dır. Istifadədən oncə preparat fizioloji məhlulla və ya inyeksiya üçün su ilə qarışdırılmalıdır.
BURAXILIŞ FORMASI: İnyeksiya üçün məhlul 2 ml / 100 mq ampulda №10 karton qutuya yerləşdirilib.
İSTEHSALÇI: Panpharma (FRANSA)
MARKETİNQ DƏSTƏYİ : NORMA PAN