PAN-HEPARİN (İnyeksiya üçün məhlul) - PAN-HEPARINE

Dərman vasitəsinin istifadəsi üzrə təlimat (xəstələr üçün)

ТƏRKİBİ:

5 ml məhlulda 25 000  BV heparin vardır.

FАRMAKOLOJİ XÜSUSİYYƏTLƏR:

Birbaşa təsir göstərən antikoaqulyantdır. Bilavasitə qanın laxtalanma faktorlarına təsir edir. Trombin sintezinin qarşısını alır, trombositlərin aqreqasiyasının azaldır. Bununla yanaşı, heparin  hialuronidazanın fəallığını azaldaraq, qanın fibrinolitik xassəsini artırır, tac damarlardakı qan axınını yaxşılaşdırır. Heparin həm də lipoprotein mənşəli lipazanın aktivliyinin artırmaqla hipolipidemik təsir göstərir.

GÖSTƏRİŞLƏR:

Müxtəlif  tromboembolik  xəstəliklər və onların ağırlaşmalarının müalicə və profilaktikası

Kəskin miokard infarktı (trombun əmələ gəlməsini qarşısını almaq və ya məhdudlaşdırmaq üçün)

Arteriya və venaların, göz, beyin damarlarının tromboz və emboliyaları zamanı

Ürək və damarlarda əməliyyatlar zamanı (qanı duru saxlamaq üçün)    

ƏKS GÖSTƏRİŞLƏR:

Heparin və ya pentozan polisulfata hiperhəssaslıq.  Laxtalanma pozğunluqları, koaqulopatiyalar,  kəskin bakterial endokardit, baş və onurğa beynində aparılmış böyük əməliyyatlardan sonrakı dövr, beyin damarlarının hemorragik dəyişiklikləri. Epidural anesteziya təyin olunubsa, Heparinlə müalicə dayandırılmalıdır. Heparin ana südünün tərkibinə keçmədiyinə görə, laktasiya dövründə istifadəsi əks göstəriş deyil.

ƏLAVƏ  TƏSİRLƏR:

Qanaxma, kəskin trombositopeniya, inyeksiya sahəsində dəri nekrozu qeyd oluna bilər. Bu zaman müalicə dərhal dayandırılmalıdır. Dərialtı yeridilmə inyeksiya yerində hematomalara səbəb ola bilər. Buna görə, inyeksiya zamanı müvafiq iynə istifadə olunmalı və inyeksiya texnikasına riayiət olunmalıdır.

İSTİFADƏ QAYDASI:

Yalnız venadaxili və dərialtı istifadə üçün. Əzələdaxili qəbul olunmamalıdır!

Uşaqlar və böyüklər üçün adi doza 400-600 BV/kq/ sut. Heparin v/d 2-4 saatdan bir,dərialtı 8-12 saatdan bir istifadə edilir. Miokard infarktı zamanı başlanqıc doza  (10000—15000 BV) v/d, d/a 40000 BV/sut tətin olunur. İkinci gündən başlayaraq doza  600 BV/kq cəkiyə uyğun 4-8 gün ərzində təyin olunur. Müalicənin sonuna yaxın doza tədricən azaldılır. Yaşlı xəstələrdə doza adətən iki dəfə azaldılır.

BURAXILIŞ FORMASI: İnyeksiya üçün məhlul 5 ml/ 25 000 BV flakonda.

İSTEHSALÇI:  Panpharma (FRANSA)

MARKETİNQ  DƏSTƏYİ:  NORMA PAN