POLFİLİN - POLFYLIN (400 mq təsiredici maddəsi uzun müddət ərzində azad olan tabletlər)
Dərman vasitəsinin istifadəsi üzrə təlimat (xəstələr üçün)

 

Tərkibi:
Təsiredici maddə: 1 tabletin tərkibində 400 mq pentoksifillin (Pentoxifyllinum) vardır.
Köməkçi maddələr: Nüvə: hipromelloza, eudrajit RL 100, eudrajit L 100, talk, maqnezium-stearat. Örtük: hipromelloza, makroqol 6000, titan 4-oksid, talk.

 

Təsviri: Ağ, girdə, ikitərəfli qabarıq tabletlər.

Farmakoterapevtik qrupu: periferik damarları genişləndirən dərmanlar; purin törəmələri.

АТC kodu: C04AD03.

 

Farmakoloji xüsusiyyətləri:
Farmakodinamikası:
Pentoksifillin ksantinin sintetik törəməsidir.
Pentoksifillin  və onun metabolitləri qanın özlülüyünü azaldaraq, qan axınını yaxşılaşdırır. Patoloji dəyişikliklər olan nahiyələrə qan axını artır, toxumaların oksigenlə qidalanması yaxşılaşır. Pentoksifillin qanın reoloji xassələrini dəyişir, eritrositlərin elastikliyini artırır, eritrositlərin aqreqasiyasını tormozlayır, prostasiklinin sintezini gücləndirməklə trombositlərin aqreqasiyasını tormozlayır, fibrinogenin patoloji yüksəlmiş konsentrasiyasını azaldır, leykositlərin endoteliyə adgeziyasını tormozlayır, leykositlərin aktivləşməsini və endotelin bunun nəticəsində baş verən zədələnməsini azaldır.
Pentoksifillin, həmçinin damarlara cüzi genişləndirici və cüzi müsbət inotrop təsir göstərir.
Farmakokinetikası:
Pentoksifillin həzm traktında  sürətlə və demək olar ki, tam mənimsənilir. Qaraciyərdə “ilk keçid” effektinə məruz qalır, ona görə də onun biomənimsənilməsi 20-30% təşkil edir.
Plazmada maksimal konsentrasiyası dərmanın qəbulundan sonra təqribən 2 saat müddətində yaranır.
Pentoksifillin qaraciyərdə demək olar ki, tam metabolizə olunur.
Pentoksifillinin əsas farmakoloji aktiv metaboliti 1-(5-hidroksiheksil)-3,7-dimetilksantindir. Plazmada onun konsentrasiyası pentoksifillinin konsentrasiyasından 2 dəfə artıq olur.  Bu birləşmələrin hər ikisi dönər biokimyəvi oksidləşmə-reduksiya tarazlığı vəziyyətində yerləşir və ona görə də onlara aktivl vahid kimi baxılmalıdır.

Pentoksifillinin plazmadan yarımxaricolma dövrü 1,6 saata yaxın, metabolitlərin yarımxaricolma dövrü isə 1-1,6 saat təşkil edir.
Dərmanın xaric olması başlıca olaraq, böyrəklər vasitəsilə polyarlaşmış, konyuqə olunmamış, suda həll olmuş metabolitlər şəklində baş verir. Pentoksifillinin dəyişilməmiş forması çox cüzi miqdarda (iz kimi) xaric olur.
Böyrək funksiyaları pozulmuş və ya qaraciyərin ağır funksional pozğunluğu olan pasiyentlərdə bioloji yarımxaricolma dövrü uzanmış olur, dərmanın tam biomənimsənilməsi isə artır (bax: bölmə “İstifadə qaydası və dozası”).

Klinikayaqədərki mərhələdə təhlükəsizliyin tədqiqi:
Kəskin toksiklik:
80 mq/kq bədən kütləsinə yaxın peroral qəbul olunan dozalar, insanlarda “Doza həddinin aşılması” bölməsində qeyd edilən simptomlar törədir.  
Pentoksifillinin siçan və siçovullarda kəskin toksiklik törətməsi onun orqanizmə düşmə yolundan asılıdır: venadaxili yeridilmə zamanı  0,17-0,23 q/kq bədən kütləsinə, qarındaxili yeridilmə zamanı 0,24-0,37 q/kq bədən kütləsinə, peroral qəbul zamanı isə 1,2-2,1 q/kq bədən kütləsinə dozadan yüksək dozalarda baş verir.

Xroniki toksiklik:
Xroniki toksikliyin tədqiqi zamanı  pentoksifillinin 1 il ərzində 1000 mq/kq bədən kütləsinə/gün  dozaya qədər siçovullara verilməsindən və  100 mq/kq bədən kütləsinə/gün dozaya qədər itlərə verilməsindən sonra orqanların zədələnməsi aşkar edilməmişdir. 1 il ərzində 320 mq/kq bədən kütləsinə dozada və daha yüksək dozalarda pentoksifillin verilmiş bəzi itlərdə koordinasiyanın pozulması, qandövranı çatışmazlığı, qanaxmalar, ağ ciyərlərin ödemi və mikroskop altında müayinə zamanı çox böyük hüceyrələrin olması aşkar edilmişdir.  

Kanserogenlik və mutagenlik:
18 ay ərzində pentoksifillin  570 mq/kq bədən kütləsinə/gün-ə qədər dozada siçanlara və siçovullara verilmişdir. Siçovullarda tədqiqi zamanı heyvanlar sonrakı 6 ay ərzində müşahidə edilmişdir. Siçanlarda dərmanın kanserogen təsiri aşkar edilməmişdir. Dişi siçovullarda  döş gilələrinin limfatik vəzilərinin yumşaq fibromasının miqdarının əhəmiyyətsiz dərəcədə artması müşahidə edilmişdir. İnsanlara münasibətdə bu müşahidənin əhəmiyyəti  aydınlaşdırılmamışdır, belə ki, simptomlar əhəmiyyətsiz dərəcədə olmuşdur, döş gilələrinin limfatik vəzilərinin yumşaq fibromasının miqdarının statistik əhəmiyyətli artması isə yaşlı siçovullar  üçün müəyyən edilmişdir. Mutagenliyə dair testlərdə (Eyms testi, mikronüvə testi, UDS testi) pentoksifillinin mutagen təsiri aşkar edilməmişdir.

Reproduktiv qabiliyyət:
Pentoksifillinin  nəsilvermə qabiliyyətinə təsiri siçovullar, siçanlar, dovşanlar və itlər üzərində öyrənilmişdir. Teratogen, embriotoksik təsiri, həmçinin nəsilvermə qabiliyyətinə (reproduktivliyə) təsiri aşkar edilməmişdir. Yalnız dərmanın böyük dozalarda qəbulu zamanı  dölün daha tez-tez məhv olması müşahidə edilmişdir.
Pentoksifillin və onun metabolitləri ana südünə nüfuz edir.


İstifadəsinə göstərişlər:

Növbəli axsama.

Göz alması nahiyəsində qan dövranının pozulması (gözün torlu qişasında və damarlı qişasında qan dövranının kəskin və xroniki pozğunluğu).

Qan dövranında baş verən dəyişikliklərlə əlaqədar olaraq daxili qulağın funksional pozğunluğu (məsələn, eşitmənun pozulması, eşitmənin qəflətən itməsi və s.).

Beyinin qanla kifayət qədər təchiz olunmaması halı (məsələn, apopleksik tutmadan sonrakı vəziyyət, beyinin diqqəti toplaya bilməmək, başgicəllənmə, yaddaşın pozulması kimi simptomlarla müşayiət olunan  damar mənşəli funksional pozğunluğu).  

 

Əks göstərişlər:

Pentoksifillinə, köməkçi maddələrdən hər hansı birinə və ya metilksantinlərə (kofeinə, teofillinə, teobrominə) qarşı yüksək həssaslıq.
Yaxınlarda keçirilmiş miokard infarktı və ya apopleksik tutma (hemorragik insult)
Güclü qanaxma və böyük qanaxma riskinə malik xəstəlik.
Gözün torlu qişasına qansızma.

 

Xəbərdarlıqlar  və ehtiyat tədbirləri:

Hipotoniyası və ya tac damarların ağır xəstəliyi olan pasiyentlərdə pentoksifillin ehtiyatla istifadə olunmalıdır.

Dərmanın orqanizmdə toplanmasının qarşısını almaq üçün böyrəklərin funksional pozğunluğu olan pasiyentlərdə (kreatinin klirensi 30 ml/dəq-dən aşağı) pentoksifillinin gündəlik dozasını azaltmaq lazımdır.  Dərmanın dozasını, həmçinin qaraciyərin ağır disfunksiyası olan pasiyentlərdə də azaltmaq lazımdır (bax: bölmə “İstifadə qaydası və dozası). Çox diqqətlə pasiyentləri müşahidə etmək lazımdır.

 

İstifadə qaydası və dozası:
Таbletləri bütöv halda, yeməkdən sonra, müvafiq miqdarda maye ilə içərək qəbul etmək lazımdır.
Adətən aşağıdakı kimi istifadə olunur:
Вöyüklərə: Gündə 2 dəfədən 3 dəfəyə qədər  1 ədəd təsiredici maddəsi uzun müddət ərzində azad olan 400 mq tablet. Qan dövranının ağır pozğunluqları olan pasiyentlərdə eyni zamanda venadaxili pentoksifillin yeritməklə dərmanın təsirini sürətləndirmək olar.
Müalicə müddəti xəstəliyin tipindən asılıdır və fərdi olaraq həkim tərəfindən təyin edilir. Arterial təzyiqi aşağı və ya qeyri-sabit olan pasiyentlərdə dərmanın dozasında dəyişiklik edilməsi lazım gələ bilər.

Böyrəklərin disfunksiyası olan pasiyentlərdə (kreatinin klirensi 30 ml/dəq-dən aşağı) xəstənin fərdi dözümlülüyündən asılı olaraq həkim dozanı standart dozanın 50-70%-nə qədər azaltmağı, məsələn, gündə 3 tabletin əvəzinə 2 tablet qəbul edilməsini tövsiyə edir.

Ağır qaraciyər çatışmazlığı olan pasiyentlərdə dozanın azaldılması zəruridir. Müalicə həkimi dozanı xəstəliyin simptomlarının güclənməsindən və dərmanın xəstənin orqanizmi tərəfindən necə qəbul edilməsindən asılı olaraq təyin edir.

Bu vaxta qədər dərmanın uşaqlar üçün istifadəsinin təhlükəsizliyi və effektivliyi müəyyən olunmamışdır.
    
Digər dərman vasitələri ilə qarşılıqlı təsiri:

Pentoksifillin arterial təzyiqi aşağı salan dərmanların təsirini gücləndirə bilər.

Teofillinlə birlikdə istifadə zamanı qanda teofillinin konsentrasiyasının artması və bununla da onun əlavə təsirlərinin güclənməsi baş verə bilər.

Qanın laxtalanma qabiliyyətini aşağı salan peroral (daxilə qəbul edilən) dərmanlar , kumarin və ya indandion, heparin, həmçinin qanın laxtalanma prosesinə təsir göstərən digər dərmanlar pentoksifillinlə qarşılıqlı təsirə girə bilər.  Pentoksifillinin bu dərmanlarla eyni zamanda istifadəsi qanaxma riskini yüksəldir.  

Preparatın diabet əleyhinə peroral preparatlarla və ya insulinlə eyni zamanda istifadəsi diabet əleyhinə dərmanların təsirinin  güclənməsinə səbəb ola bilər və bu zaman hipoqlikemik reaksiyaların meydana çıxması mümkündür.
    
Hamiləlik və laktasiya dövründə istifadəsi:

Pentoksifillinin hamilə qadınlarda istifadəsinə dair kifayət qədər məlumat olmadığından dərmanın hamiləlik dövründə istifadəsi tövsiyə olunmur.

Pentoksifillin ana südünə az miqdarda nüfuz edir, o miqdarda ki, o, körpəyə təsir göstərməməlidir. Laktasiya dövründə preparatın istifadəsinə dair kifayət qədər məlumat olmadığı üçün onun laktasiya dövründə istifadəsi xüsusi olaraq əsaslandırılmış hallarla məhdudlaşdırılmalıdır.  

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri Pentoksifillin mərkəzi sinir sisteminə məsələn, başgicəllənmə kimi əlavə təsirlər göstərə bilər, hansı ki, nəqliyyat vasitələrini və digər potensial təhlükəli mexanizmləri idarəetmə qabiliyyətinə təsir göstərə bilər.

 

Əlavə təsirləri:

Əlavə təsirlərin başvermə tezliyi aşağıdakı təsnifat əsasında sistemləşdirilmişdir: Çox tez-tez (> 1/10), tez-tez (≥ 1/100, < 1/10), bəzən (≥ 1/1000, < 1/100), nadir (≥ 1/10 000, < 1/1000), Çox nadir (< 1/10 000), o cümlədən ayrı-ayrı hallarda .

Ürək-damar pozğunluqları:
Bəzi hallarda istilik axını baş verə bilər (üzün qızarması, istilik hissi), nadir hallarda ürəyin aritmiyası (məsələn, taxikardiya), arterial təzyiqin aşağı düşməsi, çox nadir hallarda stenokardiya baş verir.
Bu simptomlar hər şeydən əvvəl, pentoksifillinin böyük dozalarını qəbul edən zaman baş verir.

Qan dövranında və limfatik sistemdə baş verən pozğunluqlar:
Çox nadir hallarda pentoksifillinlə müalicə zamanı epizodik qanaxmalar (məsələn, dəridə, selikli qişada, mədədə, bağırsaqda) baş verə bilər. Ayr-ayrı hallarda trombositopeniya müşahidə edilmişdir.  

Mədə və bağırsaq pozğunluqları:
Bəzi hallarda ürəkbulanma, qusma, köp, mədənin dolu olması hissi və ishal kimi həzm traktı ilə bağlı nasazlıq, baş verə bilər.

Qaraciyərdə və ödqovucu yollarda baş verən pozğunluqlar:
Çox nadir hallarda qaraciyərdaxili xolestaz, qaraciyər fermentlərinin (aminotrasferaza, qələvi fosfataza) aktivliyinin yüksəlməsi baş verə bilər.

İmmun sistemin pozğunluğu:
Nadir hallarda qaşınma, qızartı, övrə (qabar və qaşınma) kimi yüksək həssaslıq reaksiyaları baş verir.
Tək-tək hallarda, preparatın qəbulundan sonra ilk dəqiqələrdə ağır yüksək həssaslıq reaksiyaları (vazomotor rinit, bronxial spazm, anafilaktik şok) inkişaf edə bilər.

Digər:
Nadir hallarda başgicəllənmə və baş ağrıları qeyd edilmişdir.
Çox nadir hallarda oyanıqlı vəziyyət və yuxunun pozulması müşahidə edilmişdir.

 

Doza həddinin aşılması:

Doza həddi aşılmasının simptomları: Başgicəllənmə, ürəkbulanma, kofe xıltı şəklində qusma, qan təzyiqinin aşağı düşməsi, ürəkdöyünmənin sürətlənməsi, ürək ritminin pozulması, üzün qəflətən qızarması, yüksək temperatur, tonik-klonik qıcolmalar, şüurun itməsi, oyanıqlıq, reflekslərin olmaması.  

Müalicəsi: Əgər dərman nisbətən yaxın vaxtlarda istifadə edilmişdirsə, mədəni yumaq və ya pentoksifillinin sonrakı sorulmasının qarşısını almaq məqsədi ilə aktivləşdirilmiş kömür qəbul etmək olar.
Pentoksifillin üçün xüsusi antidot yoxdur. Simptomatik müalicə və tənəffüsü və qan dövranını dəstəkləyici müalicə həyata keçirmək, həmçinin qıcolma vəziyyətlərinə nəzarət etmək  lazımdır.  


Digər dərman vasitələri ilə qarşılıqlı təsiri: Yoxdur.

 

Yararlılıq müddəti: 3 il. Yararlılıq müddəti bitdikdən sonra istifadə etmək olmaz.

Saxlanma şəraiti: 25ºC-dən yuxarı olmayan temperaturda və uşaqların əli çatmayan yerdə saxlamaq lazımdır.

Buraxılış forması: 10 tablet, Al/PVX plyonkadan hazırlanmış blisterdə. 2 və ya 6 blister (20 və ya 60 tablet) içlik vərəqə ilə birlikdə karton qutuya qablaşdırılır.   

Aptekdən buraxılma şərti: Resept əsasında buraxılır.

 

Lisenziyanın sahibi və istehsalçı:  «POLFARMA» SC Əczaçılıq zavodu, Peplinsk küç. 19, 83-200 Staroqrad Qdanski, Polşa.