NAZİVİN - NASİVİN (0,01%, 0,025%, 0,05% nazal damcı)
Beynəlxalq patentləşdirilməmiş adı: Oksimetazolin - Oxymetazolin
Dərman vasitəsinin istifadəsi üzrə təlimat (xəstələr üçün)


Tərkibi:
Təsiredici maddə: 1 ml məhlulun tərkibində 0,1 mq (0,01 %-li məhlulunda), 0,25 mq (0,025%-li məhlulunda) və ya 0,5 mq (0,05%-li məhlulunda) oksimetazolin-hidroxlorid vardır.
Köməkçi maddələr: benzalkonium-xloridin 50%-li məhlulu, natrium-edetat dihidrat, natrium-hidroksidin 1M məhlulu, natrium-dihidrofosfat dihidrat, natrium-hidrofosfat dihidrat, təmizlənmiş su.

 

Təsviri: Praktiki şəffaf, rəngsiz və ya zəif sarımtıl məhlul.

Farmakoterapevtik qrupu: Alfa2- adrenomimetik dərman vasitəsi.

ATC kodu: R01AA05.

 

Farmakoloji xüsusiyyətləri:
Farmakodinamikası:
Nazivin (oksimetazolin) damar daraldıcı təsir göstərir. Yerli olaraq burunun iltihablaşmış selikli qişasına təyin edildikdə, ödemi və burundan gələn ifrazatı azaldır. Burun tənəffüsünü bərpa edir. Selikli qişadan ödemin götürülməsi burunun əlavə ciblərinin və orta qulağın aerasiyasını yaxşılaşdıraraq, bakterial ağırlaşmaların inkişafının qarşısını alır (haymorit, sinusit, orta otit). Yerli intranazal qəbul etdikdə terapevtik dozalarda selikli qişanı qıcıqlandırmır, hiperemiyaya səbəb olmur. Preparatı yerli intranazal qəbul etdikdə sistem (ümumi) təsir göstərmir. Praparatın təsiri tez başlayır (bir neçə dəqiqə ərzində). Nazivin-in təsir müddəti 12 saata qədər davam edir.

 

İstifadəsinə göstərişlər:
- Zökəmlə müşayiət olunan kəskin respirator xəstəliklərin müalicəsi;
- Allergik rinit;
- Vazomotor rinit;
- Burunun əlavə ciblərinin iltihabı, yevstaxeit, orta otit zamanı burun boşluğunun drenajının bərpası məqsədilə;
- Burun boşluğunda diaqnostik manipulyasiyalardan əvvəl ödemin aradan qaldırılması üçün.

 

Əks göstərişlər:
Atrofik rinit, bağlı bucaqlı qlaukoma, preparatın komponentlərinə qarşı hiperhəssaslıq. Preparatın müxtəlif yaş dərəcələri üçün nəzərdə tutulmuş buraxılış formalarının tövsiyyə olunan konsentrasiyalarda təyin olunmasına riayət etmək lazımdır.

 

Ehtiyat tədbirləri:
Monoaminoksidaza və digər arterial təzyiqin artmasına səbəb olan preparatların qəbulu və qəbulun-dan sonrakı 10 gün müddətində, gözdaxili təzyiq artdıqda, hamiləlik və laktasiya dövrü, ağır formalı ürək-damar xəstəlikləri (hipertenziya, stenokardiya), tireotoksikoz və şəkərli diabet olan xəstələr.

 

Hamiləlik və laktasiya dövründə istifadəsi:
Hamiləlik və laktasiya dövründə məsləhət görülən dozanı aşmaq olmaz. Preparat yalnız ana və dölün sağlamlığın risk və əhəmiyyət münasibətləri dəqiq qiymətləndirildikdən sonra istifadə oluna bilər.

 

Digər dərman vasitələri ilə qarşılıqlı təsiri:
MAO inhibitorları və trisiklik antidepresantlar ilə eyni vaxtda təyin etdikdə - arterial təzyiqin artması. Digər damar daraldıcı dərman maddələri ilə birlikdə təyin əlavə effektlərin inkişaf riskini artırır.

 

Xüsusi göstərişlər:
Preparatın uzunmüddətli istifadəsinə və dozanın artmasına imkan vermək olmaz, xüsusilə uşaqlarda.

 

Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri:
Oksimetazolin tərkibli zökəm əleyhinə preparatların uzun müddətli qəbulu və ya dozanın artıq olması zamanı ürək-damar və mərkəzi sinir sisteminə təsirini inkar etmək olmaz.
Ona görə də belə hallarda nəqliyyat vasitələrini və mexanizmləri idarəetmə qabiliyyəti zəifləyə bilər.

 

İstifadə qaydası və dozası:
Nazivin 0,01%; 0,025%; 0,05%-li damcıları buruna damızdırmaq üçün təyin olunur.
Böyüklər və 6 yaşdan yuxarı uşaqlar: Nazivin 0,05% hər burun dəliyinə gündə 2-3 dəfə 1-2 datncı damızdırılır.

1 yaşdan 6 yasa qədər uşaqlar: Nazivin 0,025% hər burun dəliyinə gündə 2-3 dəfə 1-2 damcı damızdırılır.

1 yaşa qədər uşaqlar: 4 həftəyə qədər uşaqlara Nazivin 0,01% hər burun dəliyinə gündə 2-3 dəfə 1 damcı təyin edilir.
5 həftədən 1 yaşa qədər uşaqlara hər burun dəliyinə gündə 2-3 dəfə 1-2 damcı təyin edilir.
Dozanın dəqiqliyini təmin etmək üçün 0,01 %-li Nazivin flakonunda damcıların sayı qeyd olunan dərəcələnmiş pipetka olur. əgər 1 damcı olunursa, pipetkanın 1 qeyd olunan xəttə qədər doldurmaq lazımdır.
Preparatın effektivliyi aşağıdakı proseduralarda da təsdiqlənmişdir: yaşdan asılı olaraq 1-2 damcı 0,01 %-li məhlulu pambığa tökərək burun dəliklərini silmək olar. Nazivin 0,01%; 0,025%; 0,05%-li damcılarını 3-5 gün istifadə etmək olar.
Məsləhət görüləndən artıq dozanı yalnız həkim nəzarəti altında qəbul etmək olar.

 

Əlavə təsirləri:
Bəzən: burun qişalarında quruluq, qaşınma, asqırma olur. Az hallarda - tez keçən burunun "dolma" hissi (reaktiv hiperemiya). Yerli nazal istifadə zamanı dozanın bir neçə dəfə aşması nəbzin tezləşməsi (taxikardiya), arterial təzyiqin artması kimi sistem simptomatik effektlərə səbəb ola bilər. Çox az hallarda narahatlıq, yuxusuzluq, baş ağrıları, ürəkbulanma müşahidə oluna bilər.
Damar daraldıcı preparatların uzunmüddətli fasiləsiz istifadəsi burun boşluğunun selikli qişasının taxifilaksiyası, atrofiyası və qayıdan ödeminə (medikamentoz rinit) səbəb ola bilər.

 

Doza həddinin aşılması:
Dozanın həddən artıq olması və ya təsadüfən daxilə qəbul zamanı aşağıdakı simptomlar əmələ gələ bilər: bəbəyin daralması, ürəkbulanma, qusma, temperaturun artması, sianoz, taxikardiya, aritmiya, kollaps, ürək fəaliyyətinin zəifləməsi, arterial hipertenziya, ağ ciyərlərin ödemi, tənəffüsün gərginləşməsi.
Bundan başqa mərkəzi sinir sisteminin funksiyalarının yuxululuqla müşahidə olunan zəifləməsi, psixi gərginlik, temperaturun düşməsi, bradikardiya, arterial hipotenziya, tənəffüsün dayanması və komanın inkişafı baş verə bilər.
Preparatın daxilə qəbul olunması ilə əlaqədar doza aşımı zamanı mədənin yuyulması və aktivləşmiş kömür təyin olunur.

 

Buraxılış forması: 0,01%; 0,025% və 0,05%-li nazal damcı. Nazivin 0,01% - 5 ml pipetka-qapaqlı tünd rəngli şüşə flakon. 1 flakon içlik vərəqə ilə birgə karton qutuya yerləşdirilir. Nazivin 0,025% və 0.05% -10 ml pipetka-qapaqlı tünd rəngli şüşə flakon. 1 flakon içlik vərəqə ilə birgə karton qutuya yerləşdirilir.

Saxlanma şəraiti: 25°C-dan yuxarı olmayan temperaturda, uşaqların əli çatmayan yerdə saxlamaq lazımdır.

Yararlılıq müddəti: 3 il. Yararlıq müddəti bitdikdən sonra istifadə etmək olmaz.

Aptekdən buraxılma şərti: Reseptsiz buraxılır.

 

İstehsalçı: Merk KGaA, Almaniya, Frankfurter Ştrasse 250, 64293 Darmştadt, Almaniya, Merk KGaA, Germany; Frankfurter Strasse 250, 64293 Darmstadt, Germany.