İVKER - EVECARE (şərbət)
İstifadəsi üzrə təlimat
Tərkibi:
Hər 5 ml şərbətin tərkibində olan aktiv komponentlər:
Ekstraktlar: Hind sarakası (Saraca indica) 50 mq; Daşamula (Dashamoola) 33 mq; Simplokos (Symplocos racemosa) 33 mq; Tinospora (Tinospora cordifolia) 33 mq; Köpək üzümü (Solanum nigrum) 33 mq; Diffuz berxaviya (Boerhaavia diffusa) 32 mq; Qulançar (Asparagus racemosus) 32 mq; Hind qozu (Cocos nucifera) 32 mq; Adi əzvay (Aloe vera) 25 mq; Ağ səndəl (Santalum album) 25 mq; Ərəb akasiyası (Acacia arabica) 25 mq; Fındıq otu (Cyperus rotundus) 25 mq; Hind hemidesmusu (Hemidesmus indicus) 25 mq; Tripxala (Triphala) 20 mq; Damarlı adatoda (Adhatoda vasica) 20 mq; Marena (Rubia cordifolia) 20 mq; Trikatu (Trikatu) 20 mq; Pambıq ağacı (Bombax malabaricum) 12 mq; Təmizlənmiş şilajit (Shilajeet) (Purified) 5 mq.
Farmakoterapevtik qrupu: Bioloji aktiv əlavə.
Farmakoloji xassələri:
Uşaqlığı stimuləedici xüsusiyyəti sayəsində, İvker menstrual tsikli tənzimləyir. İvker yumurtalıqların toxumalarına stimuləedici təsir etməklə endogen hormonal sekresiyanı nizamlayır, endometriyanın tənzimlənməsini yaxşılaşdırır və bununla da disfunksional uşaqlıq qanaxmalarını nəzarətdə saxlayır. İvker iltihab əleyhinə və spazmolitik təsir göstərir. İvker immunomodulyator və hemopoezə stimuləedici təsirə malik olduğuna görə uşaqlıq pozulmaları zamanı yaranan ümumi zəifliyin və anemiyanın müalicəsində effektiv təsir göstərir.
İstifadəsinə göstərişlər:
1. Premenstrual sindrom
2. Dismenoreya
3. Menstrual pozulmalar:
- menorragiya
- metrorragiya
- oliqomenoreya
4. Uşaqlığın disfunksional qanaxmaları
Əks göstərişlər: Preparatın komponentlərinə qarşı yüksək həssaslıq.
Digər dərman vasitələri ilə qarşılıqlı təsiri: Aşkar olunmayıb.
Xüsusi göstərişlər: Yoxdur.
İstifadə qaydası və dozası:
Daxilə.
10-15 ml-dən gündə 2 dəfə.
Müalicə müddəti 3-6 ay təşkil edə bilər.
İstifadədən qabaq flakonu yaxşı çalxalamaq lazımdır.
Əlavə təsirləri: Aşkar olunmayıb.
Buraxılış forması: 200ml-lik "nəzarət qapaqlı" flakonlarda buraxılır. Bir flakon ölçü qabı və içlik vərəqə ilə birgə karton qutuya yerləşdirilir.
Saxlanma şəraiti: +25°C-dən yuxarı olmayan temperaturda, quru, günəş şüası olmayan və uşaqların əli çatmayan yerdə saxlamaq lazımdır. Dondurmamaq.
Yararlılıq müddəti: 3 ildir. Qutunun üzərində göstərilən yararlılıq tarixi bitdikdən sonra istifadə etmək olmaz.
Azərbaycanda rəsmi distribyutor: «TETRADA» MMC - dir. AZ1102, 20Yanvar küçəsi,14; Bakı, Azərbaycan, Теl.: (+994 12) 431-59-24, 431-05-41, Faks: (+994 12) 430-80-51, Е-mail: info@tetrada-az.com, www.tetrada-az.com