İFİSEF - IFICEF (500mq, 1000mq inyeksiya məhlulu hazırlamaq ücün toz)
Beynəlxalq patentləşdirilməmiş adi: Ceftriaxone

Dərman vasitəsinin istifadəsi üzrə təlimat (xəstələr üçün)


Tərkibi:
İfisef 500mq: Təsiredici maddə: 500 mq seftriaksona ekvivalent miqdarda seftriaksonun natrium duzunun tozu;
İfisef 1000mq: Təsiredici maddə: 1000 mq seftriaksona ekvivalent miqdarda seftriaksonun natrium duzunun tozu.

 

Farmakoterapevtik qrupu: Sefalosporin qrupu antibiotiki.

Farmakoloji xüsusiyyətləri:
Farmakodinamikası:
Seftriakson geniş antimikrob təsir spektrinə malik olub, qrammüsbət və qrammənfi aerob və bəzi anaerob bakteriyalara təsir göstərir. Seftriakson qrammüsbət və qrammənfi bakteriyaların betalaktamaza, penisillinaza, sefalosporinaza fermentlərinə qarşı yüksək davamlılığa malikdir. Təcrübədə aşağıdakı mikroorqanizmlərə qarşı yüksək həssaslıq göstərir:

Qrammənfi aeroblar:

  • Enterobacter aerogenes
  • Enterobacter cloacae
  • E. coli
  • H. influenzae (ampisillinə davamlı ştamlar da daxil olmaqla)
  • H. parainfluenzae
  • Klebsiella spp.
  • N. meningitidis
  • P. mirabilis
  • P. vulgaris
  • Morganella morganii
  • S. Marcescens
  • Ps. aeruginosa

Qrammüsbət aeroblar:

  • Staph. aureus
  • Staph. epidermidis
  • (Qeyd: metisillinə rezistent stafilokokklar bütün sefalosporinlərə, o cümlədən seftriaksona qarşı da davamlıdır)
  • Strep. pyogenes (A qrup beta-hemolitik)
  • Strep. agalactiae (B qrup streptokokklar)
  • Strep. pneumoniae

Anaeroblar:

Bacteroides spp., Clostridia (lakin CI. difficile ştamlarının çoxu rezistentdir)
Həssaslığın yoxlanması üçün disklər:
Diskin konsentrasiyası 30mkq seftriaksona bərabərdir.
Zonanın ölçüsü: Həssaslıq dərəcəsi:
18 mm və çox - mikroorqanizm yüksək dərəcədə həssasdır;
14-17 mm - məhdud dərəcədə həssasdır, yəni yüksək dozalar (gündə 4qr) tətbiq edildikdə və ya infeksiya antibiotikin yüksək konsentrasiyası olan mayelərlə (məs. sidik) məhdudlaşırsa;
13 mm və az - mikroorqanizm rezistentdir.

Farmakokinetikası:
Sorulması: Əzələ daxilinə yeridildikdən sonra 100% sorulur. 500mq (ve ya 1000mq) seftriaksonu sağlam insanlara yeritdikdən sonra plazmada aşağıdakı konsentrasiyalar müşahidə olunur:

  • 30 dəq – 30 mq/l (40 mq/l)
  • 1 saat – 41 mq/l (68 mq/l)
  • 2 saat – 43 mq/l (76 mq/l)
  • 4 saat – 39 mq/l (68 mq/l)

Paylanması: Seftriakson plazma zülalları ilə qeyri-sabit birləşmələr əmələ gətirir. Əksər qrammüsbət bakteriyaların fəaliyyətini ləngidən dozalarda beyin qabığında, irin mayesində, sinovial, prostat, plevra mayelərində təsadüf edilir. Seftriakson həmçinin suluq və peritoneal mayeyə, sümük, əzələ, salpingeal toxumalara da nüfuz edir.
Seftriakson ana südü ilə xaric olunur. Öddə də böyük qatılıqda olur. Yarımparçalanma dövrü 6-9 saatdır.
Xaric olması: Əsasən (40-60%) sidiklə, bir hissəsi isə (11-65%) ödlə xaric olur.

 

İstifadəsinə göstərişlər:
Aşağı tənəffüs yollarının iltihabı:

Etiologiyası - Strep. pneumoniae və Enterococci, Staph. Aureus, H. İnfluenzae, H. parainfluenzae, Klebsiella spp., (K. Pneumoniae daxil olmaqla), E. coli, E. aerogenes, P. Mirabilis və S. marcescens istisna olmaqla digər Streptococc-lar.

Dəri və dəri strukturlarının infeksiyaları:

Etiologiyası - Staph. epidermidis, Streptococci (Enterococci-lar istisna olmaqla), E. cloacae, Klebsiella spp, P. mirabilis və Ps. aeruginosa.

Sidik yollarının infeksiyaları:

Etiologiyası - E. coli, P. mirabilis, P. vulgaris, M. morgani, Klebsiella spp., K. Pneumoniae, Ps. aeruginosa.

Ağırlaşmamış qonoreya - servikal / uretral / rektal:

Etiologiyası - penisillinaza istehsal edən ştammlar da daxil olmaqla N. gonorrhoeae.

Çanaq üzvlərinin iltihabi xəstəlikləri:

Etiologiyası - N. gonorrhoeae
Bakterial septisemiya
Etiologiyası - S. aureus, Strep. pneumoniae, E. coli, H. influenzae və K. pneumoniae.

Sümük və oynaq infeksiyaları:

Etiologiyası - S. aureus, Strep. pneumoniae, Streptococci (Enterococci-lar istisna olmaqla), E. coli, P. mirabilis, K. pneumoniae, Enterobacter spp.

Qarın boşluğu orqanlarının infeksiyaları:

Etiologiyası - E. coli, K. pneimoniae.

Meningit:

Etiologiyası - N. influenzae, N. meningitidis, Strep. pneumoniae, Staph. epidermidis və E. coli.

 

Əks göstərişlər:
Sefalosporin qrupu antibiotiklərinə qarşı həssaslıq.
Qeyd:
Bu preparatı penisillinə qarşı həssaslığı olan xəstələrə ehtiyatla təyin etmək lazımdır.
Sefalosporin qrupu və ya digər geniş spektrli antibiotiklərin istifadəsi zamanı psevdomembranoz kolitin meydana gəlmə təhlükəsi olduğu üçün, antibiotikin təsirindən diareya inkişaf edən xəstələrdə psevdomembranoz kolitin olub-olmamasını öyrənmək lazımdır.
Geniş spektrli antibiotiklərlə müalicə bağırsaq mikroflorasını dəyişərək klostridiyaların artmasına səbəb ola bilər.

Hamiləlik və laktasiya dövründə istifadəsi:
Siçanlar üzərində aparılan təcrübələr zamanı adi insan dozasından 20 dəfə çox miqdar yeridilsə də İfisefin heç bir embrionotoksik, fetotoksik və ya teratogen təsiri aşkar edilməyib. Buna baxmayaraq, hamilə qadınlarla kifayət qədər təcrübə aparılmadığı üçün yalnız vacib göstəriş olduqda istifadə etmək olar.

 

İstifadə qaydası və dozası:
Yalnız əzələdaxili inyeksiyalar üçün!
Böyuklər üçün adi doza gündə 1 - 2 dəfə 1q və ya 2q-dır. Ümumi sutkalıq doza 4,0 q-dan çox olmamalıdır. Seftriaksonun istifadəsi məqbul bakterioloji cavab alındıqdan və qızdırma normaya düşdükdən sonra 72 saat davam etdirilməlidir.
Seftriaksonu 1% lidokain məhlulunda həll edib ağrı hissiyyatını maksimum azaltmaq üçün əzələ daxilinə dərinə yeritmək lazımdır.
Qonoreyada:
250mq-lıq birdəfəlik inyeksiyalar məsləhət görülür.
Strep. pyogenes -in törətdiyi infeksiyalarda, müalicə 10 gün davam etdirilir.
Yenidoğulmuşlar və körpə uşaqlar üçün sutkalıq doza 20-80 mq/kq-dır.
Meningitdən başqa, uşaqlarda digər ağır infeksiyalar zamanı doza sutkada 50mq/kq-dır. Böyrək və ya qaraciyər funksiyasının pozğunluğunda dozanın korreksiyasına ehtiyac yoxdur. Lakin, böyrək funksiyasının ağır pozğunluğunda (məs.: dializ) və ya eyni zamanda böyrək və qaraciyər çatışmazlığı olan xəstələrdə, preparatın qan zərdabında miqdarına nəzarət etmək lazımdır.
Məhlulun hazırlanmasına dair göstərişlər
Əzələ daxilinə yeritmək üçün 500mq preparat 2ml, 1000mq preparat isə 3,5ml 1%-li lidokain məhlulunda həll edilir.

 

Əlavə təsirləri:
Ümumilikdə seftriakson ağırlaşmalar vermir. Kliniki təcrübələr zamanı seftriaksonla müalicə ilə əlaqəli olan və ya bununla heç bir əlaqəsi olmayan aşağıdakı reaksiyalar müşahidə olunub:
1) Yerli reaksiyalar ağrı, indurasiya, inyeksiya nahiyəsində ağrı (1%),
nadir hallarda flebit, qaşınma,
qızdırma, üşütmə (1%).
2) Hemotoloji reaksiyalar eozinofiliya (6%), trombositoz (5,1%),
leykopeniya (2%), anemiya, neytropeniya,
limfopeniya, trombisitopeniya (1%).
3) Mədə bağırsaq traktı diareya (2,7%), ürəkbulanma, qusma (1%).
4) Qaraciyər reaksiyaları AST-nin artması (3,1%)
ALT-nin artması (3,3%)
qələvi fosfotaza göstəricisinin artması (1%).
5) Böyrək reaksiyaları qanda sidik cövhəri azotu göstəricisinin artması (1,2%),
kreatinin göstəricisinin artması (1%).
6) MSS baş ağrısı, başgicəllənmə (1%).
7) Sidik-cinsiyyət sistemi
reaksiyaları moniliaz (kandidoz), vaginit (1%).

 

Buraxılış forması: 500mq-a ekvivalent seftriakson-Na tozu və 1%-li 2ml inyeksiya üçün lidokain hidroxlorid məhlulu içlik vərəqə ilə birgə karton qutuya qoyulur;
1000mq-a ekvivalent seftriakson-Na tozu və 1%-li 4ml inyeksiya üçün lidokain hidroxlorid məhlulu içlik vərəqə ilə birgə karton qutuya qoyulur.
Saxlanma şəraiti: Seftriaksonu steril toz halında 25ºC-dən aşağı temperaturda, qaranlıq və uşaqların əli çatmayan yerdə saxlamaq lazımdır. Hazırlanmış İfisef məhlulu 25ºC temperaturda 24 saat, soyuducuda 4ºC-də 3 gün öz keyfiyyətini saxlayır.
Donmuş məhlulları otaq temperaturunda isitmək, məhlulun artıq qalmış hissəsini isə atmaq lazımdır. Təkrar dondurmaq olmaz. Seftriakson məhlulunu digər mikrob əleyhinə vasitələrin məhlulları ilə qarışdırmaq olmaz.
Yararlılıq müddəti: 2 ildir. Yararlılıq müddəti bitdikdən sonra istifadə etmək olmaz.
Aptekdən buraxılma şərti: Həkim resepti əsasında buraxılır.

 

İstehsalçı: Yunik Farmasyutikal Laboratoriz, («C.B.Xemikals & Farmasyutikals MMC» - nin bölməsi)
Azərbaycanda rəsmi distribyutor: «TETRADA» MMC - dir. AZ1102, 20Yanvar küçəsi,14; Bakı, Azərbaycan